ठाणे : महाराष्ट्रात, ठाणे जिल्ह्यातील वालधुनी नदीत धोकादायक रासायनिक द्रावण सोडल्याप्रकरणी एका ३२ वर्षीय ट्रक चालकाला पोलिसांनी अटक केली आहे. पोलिसांनी ही माहिती दिली. त्यांनी सांगितले की, आरोपींनी शनिवारी नदीवर जाऊन टँकरमधून विषारी रसायन टाकून पाणी प्रदूषित केले.

देखील वाचा

महात्मा फुले चौक पोलिस ठाण्याच्या अधिकाऱ्याने सांगितले की, या संदर्भात माहिती मिळताच पोलिसांनी आरोपीला अटक केली. आरोपींविरुद्ध भारतीय दंड संहिता (आयपीसी) आणि पर्यावरण (संरक्षण) कायद्याच्या संबंधित तरतुदींनुसार गुन्हा दाखल करण्यात आला आहे, असे ते म्हणाले. (एजन्सी)

दुसऱ्या महायुद्धाच्या विरामानंतर इंग्लंडमध्ये ‘क्लेमेंट ऍटली’ हे ब्रिटिश पंतप्रधानपदी बसले. इंग्लंडकडून भारताकडे सत्ता देण्याची प्रक्रिया गतिमान करण्यासाठी ‘माउंटबॅटन’ यांची भारतात व्हाइसरॉय म्हणून नियुक्ती केली.

त्यांनी एक योजना मांडली, ज्यात भारतातील तत्कालीन राज्ये स्वतंत्र ठेवून वेगवेगळी ठेवायची आणि त्यांना ‘संविधान सभेत’ सामील व्हायचे की नाही, हे निवडण्याची मुभा द्यावी, असा प्रस्ताव मांडला, त्याला जवाहरलाल नेहरूंनी विरोध केला तेव्हा माउंटबॅटननी ती योजना रद्द केली.

त्यांच्या या योजनेला ‘डिकी बर्ड योजना’ किंवा ‘भारताचे बाल्कनीकरण योजना’ असं म्हणतात. पुढे त्यांनी ३ जूनची योजना आणली.

३ जूनच्या योजनेत घोषित करण्यात आले की, भारत स्वतंत्र झाल्यानंतर दोन राष्ट्रांमध्ये विभागला जाईल – भारत आणि पाकिस्तान. १५ ऑगस्ट १९४७ रोजी विभाजन लागू झाले.

याच योजनेत फाळणीच्या तत्त्वांचा समावेश होता आणि भारत आणि पाकिस्तान या दोन्ही देशांना स्वायत्तता आणि सार्वभौमत्व दिले गेले.

तसेच राष्ट्रांना स्वतःची राज्यघटना तयार करण्याचा अधिकार दिला गेला. डिकी बर्ड योजनेपेक्षा वेगळी असणारी ही योजना काँग्रेस आणि मुस्लिम लीग या दोन्ही पक्षांनी स्वीकारली.

१९४७ चा भारतीय स्वातंत्र्य कायदा, जो ब्रिटिश संसदेत मंजूर झाला आणि १८ जुलै १९४७ रोजी त्यास शाही संमती प्राप्त झाली, तो माउंटबॅटन योजनेच्या आधारे तयार करण्यात आला.

या योजनेनुसार, ब्रिटीश सम्राट यापुढे ‘भारताचा सम्राट’ ही पदवी वापरणार नाही आणि ब्रिटीश पार्लमेंट दोन राष्ट्रांपैकी एकावर बंधनकारक असेल असा कोणताही कायदा करू शकत नाही.

नवीन राज्यघटना तयार होईपर्यंत गव्हर्नर-जनरलला म्हणजे माउंटबॅटनना घटनात्मक प्रमुख म्हणजे राष्ट्रपतींप्रमाणे बनवण्यात आले. या योजनेचा एक भाग म्हणून राष्ट्रांच्या संविधान सभांनी संमत केलेल्या कायद्यांना मान्यता देण्यासाठी त्याला जबाबदार धरण्यात आले.

फाळणीनंतर काय झाला परिणाम?

फाळणीमुळे दंगली, मोठ्या प्रमाणावर जीवितहानी आणि स्थलांतराची प्रचंड लाट निर्माण झाली. मुस्लिम पाकिस्तानच्या दिशेने आणि हिंदू आणि शीख भारताच्या दिशेने असे लाखो लोक त्यांना सुरक्षिततेतची अपेक्षा असलेल्या ठिकाणी गेले. पायी, बैलगाडीत आणि रेल्वेने प्रवास करत करत अंदाजे १ कोटी ६० लाख लोक विस्थापित झाले.

फाळणीनंतर मृतांची संख्या २० लाखांपर्यंत गेली होती. अनेक जण दोन धर्मियांच्या हत्याकांडात मेले तर काही जणांना त्यांच्या स्वतःच्या कुटुंबीयांनी निर्वासित शिबिरांमध्ये पसरलेल्या संसर्गजन्य रोगांच्या साथीत मरण्यासाठी सोडून दिले. लाखो महिलांचे बलात्कार किंवा अपहरण करून त्यांचे हालहाल केले गेले.

फाळणीचा आणखी एक अनपेक्षित परिणाम असा झाला की, पाकिस्तानची लोकसंख्या मूळच्या अपेक्षेपेक्षा धार्मिकदृष्ट्या एकसंध झाली.

मुस्लिम लीगच्या नेत्यांनी असे गृहीत धरले होते की, पाकिस्तानमध्ये मोठ्या प्रमाणात गैर-मुस्लिम लोकसंख्या असेल, ज्यांच्या उपस्थितीमुळे भारतात राहिलेल्या मुस्लिमांचे स्थान सुरक्षित होईल.

परंतु पश्चिम पाकिस्तानमध्ये, १९५१ साली बिगर मुस्लिम अल्पसंख्याक हे एकूण लोकसंख्येच्या केवळ १.६% होते. तर पूर्व पाकिस्तान आताच्या बांगलादेशमध्ये २२% होते.

त्यानंतर दोन्ही देशांना फाळणीनंतर आलेल्या निर्वासितांना सामावून घेण्यात आणि त्यांचे पुनर्वसन करण्यात मोठ्या समस्यांचा सामना करावा लागला.

१९४७-४८ मध्ये जम्मू आणि काश्मीरच्या विवादित प्रदेशाबाबत दोन राज्यांमध्ये युद्ध झाल्यानंतर निर्वासितांची संख्या अजूनच वाढली.

६० च्या दशकाच्या उत्तरार्धातही स्थलांतरित झालेल्या लोकांच्या झुंडी भारतात येतच होत्या. जातीय तणावाच्या नंतरच्या संघर्षांनी आणखी चळवळ निर्माण केली.

फाळणीमुळे भारत छोट्या छोट्या तुकड्यांमध्ये विभागला न जाता एकसंध राहिला हे जरी खरं असलं तरी फाळणी ही भारताच्या इतिहासातली कायमची भळभळती जखम बनून राहणार आहे.

एसआयपी म्हणजे सिस्टेमॅटिक इन्वेस्टमेंट प्लॅन. ही एक पद्धतशीर गुंतवणूक योजना असून ही कोणतीही स्कीम नाही. हे गुंतवणूक करण्याचे एक माध्यम आहे ज्यामध्ये एक ठराविक रक्कम एका ठराविक दिवशी आपल्या गुंतवणुकीत जोडली जात असते.

उदाहरणार्थ आपल्याकडे १२,००० रुपये आहेत. आपण हे सगळे पैसे एखाद्या म्युच्युअल फंड मध्ये सरसकट गुंतवू शकतो आणि जर तेच १२,००० जर आपण महिन्याला १००० अशा पद्धतशीरपणे एक वर्षासाठी गुंतवत राहिलो तर ती होईल एसआयपी म्हणजेच पद्धतशीर गुंतवणूक योजना.

तसे पाहायला गेले तर ही अगदीच साधी, सोपी आणि सरळ योजनपद्धती आहे. ज्याची प्रक्रिया योग्यरित्या जाणून घेऊन गुंतवणूक केली तर त्याचा चांगला फायदा आयुष्यभरासाठी होऊ शकतो.

• एसआयपी मध्ये किती रक्कम गुंतवू शकतो ?

यामध्ये गुंतवणूकदार कमीतकमी रक्कम सातत्याने गुंतवू शकतो. म्हणजेच यामध्ये ५०० रुपयांपासून देखील एसआयपी चालू करता येऊ शकते.

काही फंड तर ५०० पेक्षा सुद्धा कमी गुंतवणूक करण्याची मुभा देतात. मुख्य म्हणजे इथे अमुक एक रक्कम भरायचीच असे बंधन नसते. त्यामुळे इथे जास्तीत जास्त त्याच्या मर्जीनुसार कोणत्याही रकमेची गुंतवणूक करू शकतो.

• एसआयपीचा कालावधी किती असतो ?

गुंतवणूकदाराला आपली एसआयपी एक वर्षासाठी, दोन वर्षासाठी, पाच किंवा दहा वर्षांसाठी किंवा जोपर्यंत तो स्वतः एसआयपी बंद करत नाही तोपर्यंत एसआयपी चालू ठेवता येते.

• एसआयपीचे फायदे काय आहेत ?

१. अधिक परतावा (Good return on investment)

म्युच्युअल फंडच्या एसआयपी प्लॅनमध्ये काही काळानंतरच आपल्याला गुंतवणुकीवर चांगला परतावा मिळाल्याचे दिसून येते.

परंतु जर दीर्घ कालावधीसाठी एसआयपी केली गेली तर मात्र अधिक परतावा मिळालेला दिसून येतो. किमान पाच वर्षांपेक्षा अधिक एसआयपी केली तर चांगला फायदा मिळतो.

२. एसआयपी मधील लवचिकता (Flexibility in SIP)

गुंतवणूकदार कधीही आपले पैसे काढून घेऊ शकतो. तसेच गुंतवणूकदार आपला एसआयपी प्लॅन हवा असेल तेव्हा थांबवू शकतो. एसआयपी मधील पैसे काढून घेऊ शकतो किंवा अजून नवीन पैशांची गुंतवणूक करू शकतो.

३. कमी प्रमाणातील जोखीम (Low risk SIP)

जर गुंतवणूकदार इक्विटी फंडमध्ये आपल्या पैशांची गुंतवणूक करत असेल तर तिथे एकाच बाजारभाव चक्रात गुंतवणूकदाराचे पैसे गुंतवले जात नाहीत.

तसेच दीर्घकालीन एसआयपी मध्ये वेगवेगळ्या किमतींवर युनिट्स खरेदी केले जातात. शेवटी बाजार भावाची सरासरी काढली जाते ज्याचा जास्त नकारात्मक प्रभाव पडताना दिसून येत नाही. (फारसा तोटा होत नाही)

४. किमान रकमेतील गुंतवणूक (minimum investment in SIP)

अगदी कमीत कमी रकमेत देखील आपण आपल्या म्युचुअल फंडमध्ये गुंतवणूक करण्यास सुरुवात करू शकतो. विद्यार्थी असो, गृहिणी असो किंवा एखादा उद्योगपती असो सगळ्यांसाठी हा उत्तम मार्ग आहे.

ही होती अत्यंत आवश्यक आणि गरजेची असणारी एसआयपी संबधित माहिती. जर तुम्हालाही यात गुंतवणूक करायची असेल तर

आपण जवळच्या कोणत्याही Mutual Fund Broker किंवा ऑनलाईन पद्धतीने सुद्धा एसआयपी चालू करू शकता. मात्र, सगळी माहिती, कागदपत्रे पाहूनच गुंतवणूक करा आणि आपले भविष्य सुरक्षित करा.

क्रेडिट कार्ड हे एक सोयीचे साधन आहे ज्याद्वारे तुम्ही वस्तू आणि सेवांसाठी पैसे देऊ शकता. शिवाय, तुम्ही ऑनलाइन आणि ऑफलाइन क्रेडिट कार्ड वापरू शकता.

रोख किंवा डेबिट कार्ड वापरून तुम्हाला मिळणाऱ्या मुख्य क्रेडिट कार्डच्या फायद्यांपैकी एक म्हणजे तुम्हाला मोफत क्रेडिटचा कालावधी मिळतो. त्यामुळे तुम्ही साठवलेले पैसे न वापरतासुध्दा बरीच उत्पादने घेऊ शकता.

म्हणून, तुमच्यासाठी योग्य असलेले कार्ड निवडण्यापूर्वी कोणत्याही क्रेडिट कार्डची वैशिष्ट्ये जाणून घेणे चांगले असते.

• क्रेडिट कार्डचे फायदे

१. ईएमआय पेमेंट्स –

ईएमआय म्हणजे थोडक्यात असं कर्ज जे प्रत्येक महिन्यात ठराविक रकमेतून फेडावे लागते. क्रेडिट कार्डचा एक वेगळा फायदा म्हणजे परवडणाऱ्या ईएमआयवर फ्लॅगशिप वस्तू खरेदी करण्यासाठी क्रेडिट कार्ड वापरले जाऊ शकते. तुम्ही निवडाल त्या कालावधीत याची परतफेड केली जाऊ शकते.

२. सोप्पी प्रक्रिया –

क्रेडिट कार्ड ऑनलाइन आणि ऑफलाइन उपलब्ध आहे. शिवाय, पात्रता निकष पूर्ण करणे सोपे आहे आणि यासाठी मूलभूत कागदपत्रांची पूर्तता करणे देखील सोपे आहे.

ऑनलाईन आणि ऑफलाईन या दोन्ही माध्यमात क्रेडिट कार्ड वापरता येत असल्याने कसली पंचाईत होत नाही. तसेच ते हाताळणे देखील सहजशक्य आहे.

३. अडचणीच्या काळात कर्ज –

आपत्कालीन खर्चाच्या बाबतीत वैयक्तिक कर्ज मिळविण्यासाठी क्रेडिट कार्ड सुविधांचा वापर केला जाऊ शकतो.

यावेळी तुमच्या बँकेचे क्रेडिट कार्ड पाहून आणि एकूणच तुमच्या मालमत्तेचा आढावा घेऊन अशी सुविधा क्रेडिट कार्डमुळे शक्य होते.

४. रोख पैसे काढणे –

डेबिट कार्डापेक्षा क्रेडिट कार्डचा आणखी एक फायदा म्हणजे जेव्हा तुम्हाला तुमचे बिल सेटल करावे लागेल तेव्हा तुम्ही एटीएममधून आगाऊ रक्कम काढू शकता.

५. सवलत/ऑफर/पुरस्कार –

स्पष्टपणे, सर्वोत्कृष्ट क्रेडिट कार्ड लाभ म्हणजे सवलत आणि ऑफर ज्या तुम्ही उत्पादनांच्या श्रेणीवर घेऊ शकता.

याशिवाय, तुमचा खर्च आणि तुम्ही कोणत्या प्रकारचे क्रेडिट कार्ड वापरता याच्या आधारावर तुम्हाला रिवॉर्ड पॉइंट मिळतात. हे नंतर अधिक सवलतींसाठी रिडीम केले जाऊ शकतात.

६. पेमेंट सुरक्षा –

क्रेडिट कार्ड हे एक डिजिटल साधन आहे जे तुम्हाला पेमेंटमध्ये सुरक्षितता देते. ज्यामध्ये मल्टी-फॅक्टर ऑथेंटिकेशन आणि इन-हँड सुरक्षा वैशिष्ट्यांची पूर्तता केली गेली आहे. त्यामुळे काळजी करण्याचे काहीच कारण उरत नाही.

७. क्रेडिटवर बिग-तिकीट उत्पादने –

तुम्ही तुमच्या क्रेडिट कार्डने उच्च श्रेणीची म्हणजेच महागाची उत्पादने खरेदी करू शकता. केवळ क्रेडिट-मुक्त कालावधीसहच नाही तर EMI मध्ये उत्पादने खरेदी केली जाण्याची त्यात सोय आहे. त्यामुळे बजेटवर देखील याचा जास्त मोठा परिणाम होत नाही आणि तुम्ही चिंतामुक्त राहता.

८. रोख रकमेपासून मुक्ती –

तुम्ही खरेदी करता तेव्हा क्रेडिट कार्ड तुमच्यासोबत रोख रक्कम घेऊन जाण्याची गरज दूर करते. हे ऑनलाइन खरेदीची सुविधा देखील देते.

त्यामुळे कधी पैसे राहिले, विसरले तर क्रेडिट कार्ड ही चिंता मिटवू शकते. शिवाय रोख रक्कम बाहेर घेऊन फिरणे तसे धोक्याचे असते. त्यामुळे क्रेडिट कार्ड हा निश्चिंत राहण्यासाठीचा योग्य पर्याय आहे.

तर हा होता क्रेडिट कार्डचे महत्व आणि त्याचे फायदे सांगणारा लेख. या लेखातून तुम्हाला नक्कीच क्रेडिट कार्डचे फायदे लक्षात आलेच असतील.

तेव्हा क्रेडिट कार्ड वापरण्यासंबंधी जागृत व्हा. स्वतःचा फायदा करून घ्या आणि हा लेख कसा वाटला तेही जरूर कळवा.

चांगल्या पद्धतीने संवाद करता येण्यासाठी, आपल्याला प्रथम चांगले ऐकावे लागेल. संवाद नीट लक्ष देऊन ऐकला तर प्रत्येक महत्त्वाचा तपशील मिळतो आणि आपण अजून चांगला संवाद कसा साधता येईल याकरता सुधारणा सुद्धा करु शकतो.

थोडक्यात आणि मुद्द्याचं बोला:

जेव्हा अनावश्यक माहिती बोलण्यात येत असेल तेव्हा बहुतेक वेळेस संवाद योग्य प्रकारे घडत नाहीत. आपल्या संभाषणादरम्यान महत्त्वाच्या मुद्यांना बगल न देता संक्षिप्तपणे आपले म्हणणे मांडावे.

हे मौखिक संभाषणच नव्हे तर लिखित संभाषण करतानाही लागू होते. संवादाचा प्रकार कोणताही असू दे लेखी अथवा मौखिक; संभाषणासाठी जे महत्त्वाचे आहे तेच बोलण्याचा सराव करा.

आपला श्रोता ओळखा:

आपण कोणाशी संवाद साधत आहात हे आपल्याला माहित असले पाहिजे आणि ते कोणत्या प्रकारे केलेले संभाषण समजणार आहेत हे लक्षात घ्यायला पाहिजे. उदा. जर तुम्ही एखाद्या सहकाऱ्याशी किंवा वरिष्ठांशी संवाद साधत असाल,

तर उघडपणे अनौपचारिक भाषा वापरली जाऊ नये. तसेच, तुम्ही शॉर्टफॉर्म असलेले शब्द वापरल्यास, समोरच्या व्यक्तीला लगेच समजेल असे आपण गृहीत धरू शकत नाही. तर, आपलं बोलणं ऐकणारा कोण आहे, हे नीट पहा.

आवाजाच्या चढ-उतारांकडे लक्ष दया:

बहुतेक वेळेस कोणीच जर का योग्य स्वरात बोलत नसतो त्यावेळेस गैरप्रकारे संवाद घडतात. खूप मोठ्याने बोलू नये. खूप सौम्यही होऊ नका आणि उद्धट किंवा उर्मटपणे तर नाहीच. सर्वांशी नेहमी नम्रपणे आणि आदराने संवाद साधायला हवा.

सकारात्मकतेने संवाद साधा:

आपण आपल्या संवादासाठी वापरत असलेल्या भाषेत जास्तीत जास्त वेळेस होकारार्थी वाक्ये असणं आवश्यक आहे. उदा. तो हे काम नक्की करेल.

भाषेचं स्वरूप श्रोत्याचं किंवा वाचकाचं लक्ष त्वरित वेधून घेतं. ते तुमच्या प्रत्येक शब्दावर लक्ष ठेवतात आणि अपेक्षित असणारा संदेश त्यांना मिळतो.

देहबोली योग्य ठेवा:

देहबोली हा शब्दांशिवाय संवाद साधण्याचा एक उत्तम मार्ग आहे त्याचा खोलवर प्रभाव पडतो. जेव्हा आपण व्हिडिओ कॉन्फरन्स कॉलमध्ये किंवा समोरासमोर भेटत असतो तेव्हा,

एक सकारात्मक देहबोली ठेवावी जसे की मोकळेपणा आणि डोळयांत डोळे घालून पाहणे. ही देहबोली पाहून समोरचा व्यक्तीही बदलून जाईल आणि त्याची देहबोलीही सकारात्मक होईल.

थेट बोला:

आपल्याला ज्या व्यक्तीशी संवाद साधायचा आहे त्याच्याशी जाऊन थेट बोला. बर्‍याच संस्थांमध्ये, संदेश पाठवण्यासाठी याच्या त्याच्या माध्यमातून संदेश पाठवले जातात.

कानगोष्टी सारख्या खेळाचा अनुभव असेल तर निरोप इकडून तिकडे जाताना काहीतरी भलताच दिला जातो म्हणून जेव्हा बरेच लोक असतात तेव्हा हे कानगोष्टी सारखा प्रकार नकोच. आपण संबंधित व्यक्तीशी थेट संवाद साधायाला हवा.

संवाद ही अशी गोष्ट आहे ज्याचा आपल्या वैयक्तिक आणि व्यावसायिक जीवनावर मोठा प्रभाव पडतो. ही गोष्ट गांभीर्याने घ्यायला हवी. आणि नेहमी लक्षात ठेवा की सर्वात यशस्वी आणि आनंदी लोक जे आहेत, त्यांना उत्तम संवाद साधता येतो.